Hałoŭčanka: Ekanomika demanstruje histaryčna vysokija jakasnyja pakazčyki zbałansavanaści
Va ŭmovach sankcyjnaha ŭpłyvu i źviazanych z hetym vyklikaŭ ekanomika Biełarusi tym nie mienš demanstruje histaryčna vysokija jakasnyja pakazčyki zbałansavanaści. Pra heta zajaviŭ premjer-ministr Raman Hałoŭčanka na pasiadžeńni Saŭmina ab funkcyjanavańni ekanomiki va ŭmovach sankcyj z udziełam Łukašenki, piša BiełTA.
Kiraŭnik urada raskazaŭ, što źniešnija ŭmovy dla pracy ekanomiki istotna pahoršylisia, bo ŭviedzienyja sankcyi ŭ dačynieńni da Biełarusi z boku šerahu krain tyčacca ŭsich etapaŭ ekspartu ad dastaŭki tavaru da atrymańnia vyručki.
Tamu, kab zamiaścić dachody, jakija vypali z-za sankcyj, pryniaty kompleks mier dla naroščvańnia vytvorčaści i ekspartu ŭ inšych halinach. Dadatkovaja vytvorčaść kankretnych tavaraŭ daść pryrost vałavoha vypusku i zabiaśpiečyć dadatkovaje pastupleńnie vyručki.
«Štomiesiac raście ekspart tavaraŭ, i ŭ červieni jon praktyčna dasiahnuŭ uzroŭniu minułaha hoda, a ŭ Rasiju — dasiahnuŭ histaryčnaha maksimumu $2 młrd za miesiac», — adznačyŭ jon
«Ekanomika ścisnułasia, ale, na naš pohlad, demanstruje histaryčna vysokija jakasnyja pakazčyki zbałansavanaści. Heta padkreślivaje vysokuju adaptyŭnaść ekanomiki da źniešnich šokaŭ i adekvatnaść, i dziejsnaść mier, jakija prymajucca», — zajaviŭ Raman Hałoŭčanka i pryvioŭ paćviardžajuć danyja.
