Słužyciel minskaj carkvy «Hiefsimanija» zatrymany pa «kryminalnym» artykule
Słužyciel minskaj carkvy chryścijan jevanhielskaj viery «Hiefsimanija» Maksim Stasilevič uziaty pad vartu jak abvinavačany pa č. 1 art. 342 («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).
Pra heta paviedamiła jaho siastra Volha Barysik u Fejsbuku. Stasilevič znachodzicca ŭ SIZA-1 na Vaładarskaha, paviedamlaje telehram-kanał «Chryścijanskaja vizija».
Maksim byŭ zatrymany razam sa svaim švahram Jaŭhienam Barysikam 21 lipienia. Na nastupny dzień jany atrymali pa 10 sutak aryštu kožny: Maksim pa č.2. 19.11 KaAP za pierapost naviny z telehram-kanała, pryznanaha ekstremisckim. Dla hetaha siłaviki ŭzłamali Telehram viernika.
Jaŭhien svaje 10 sutak aryštu atrymaŭ za drobnaje chulihanstva (art. 19.1) — jon nibyta ŭ kabiniecie 416 Maskoŭskaha RUUS kryčaŭ, i niecenzurna łajaŭsia. Pastanovu ab pryciahnieńni da adkaznaści prymała adyjoznaja sudździa Taćciana Motyl.
Pa zakančeńni 10 sutak adpuścili tolki Jaŭhiena Barysika.
da, Maks?
a pracavać (ci vajavać) heny krolik ni razu nie ?