Ziankovič raskazaŭ u sudzie, jak chacieli «zabić Łukašenku»
U paniadziełak u sudzie davaŭ pakazańni asnoŭny abvinavačany pa spravie «ab dziaržaŭnym pieravarocie» — Juraś Ziankovič. Jon «pryznaŭsia» ŭ tym, što raspracoŭvaŭ płan fizičnaj likvidacyi Alaksandra Łukašenki, ale padkreśliŭ, što samoha płana ŭ jaho niama, piša rasijskaje vydańnie Sputnik.
Juraś Ziankovič u sudzie. Fota: Tamara Bialajeva / Sputnik
U sudzie prahučała infarmacyja, što pieršapačatkova płan zabojstva biełaruskaha dyktatara nibyta raspracavaŭ Dzianis Chofman i jon nazyvaŭsia «Cišynia». Jaho nibyta chacieli daručyć vykanać Mikałaju Aŭtuchoviču, ale toj admoviŭsia. Jak skazaŭ Ziankovič: «Płan «Cišynia» mnie padavaŭsia, ale inšym čałaviekam. […] Aŭtuchovič skazaŭ, što heta małaprafiesijna, i ja pra jaho zabyŭsia».
Adbor u skład «zmoŭščykaŭ», pavodle słovaŭ Ziankoviča, nibyta adbyvaŭsia tolki pa pratekcyi tych, chto ŭžo znachodziŭsia ŭ zmovie, pytańnie vyrašałasia na kalehijalnaj asnovie. U liku «zmoŭščykaŭ» byli nibyta Ihar Makar i Volha Karač, choć, pa słovach Ziankoviča, asabista jon byŭ kateharyčna suprać Karač «z-za jaje nieabaviazkovaści».
Prakuror začytaŭ vytrymku z płana «Cišynia», pavodle jakoha nibyta płanavałasia stralać z hranatamiota «Mucha» pa łukašenkaŭskaj mašynie.
Paśla vybaraŭ, kali Ziankovič, pa jahonych słovach, ubačyŭ, što «Cichanoŭskaja prajhrała ŭsio, što možna», jon vyjšaŭ na kantakt ź niejkim siłavikom Žuraŭskim i spytaŭ u jaho, «ci moža armija vypravić situacyju». Paśla stanoŭčaha adkazu nibyta i zakruciłasia ŭsia sprava. Ziankovič paćvierdziŭ, što «zmoŭščyki» nibyta čakali, što ZŠA vydzielić im 10 miljonaŭ dalaraŭ na praviadzieńnia vajskovaha pieravarotu. A taksama nibyta Dźmitryj Ščyhielski źviartaŭsia pa dapamohu ŭ hetaj spravie da ŭładaŭ Izraila.
Zhadany Ziankovičam Dzianis Chofman maje padvojnaje hramadzianstva Ukrainy i Hiermanii i źjaŭlajecca stvaralnikam «Atradaŭ hramadzianskaj samaabarony», pryznanych režymam terarystyčnaj arhanizacyjaj jašče ŭ minułym hodzie.
Čytajcie taksama:
Što takoje «Atrady hramadzianskaj samaabarony», jakich Łukašenka abvinavaciŭ u teraryźmie?
