Pad Vaŭkavyskam vyratavali cabaku i kaciania, jakija pravalilisia ŭ kałodziež
Ranicaj u niadzielu, 7 žniŭnia, u Vaŭkavysku supracoŭnikam MNS daviałosia vyjazdžać na nastupny vyklik: ratavalniki spatrebilisia sabaku i kacianiaci, paviedamlaje miascovaje vydańnie «Naš čas».
Na liniju 101 patelefanavała maładaja para. Jany jechali z Vaŭkavyska ŭ Zelvu i niepadalok ad AZS vyrašyli nienadoŭha spynicca. Vyjšaŭšy z mašyny, chłopiec i dziaŭčyna pačuli brech sabaki. Nijakich sabak pry hetym nie było vidać.
Tady maładyja ludzi vyrašyli abyści terytoryju i nieŭzabavie ŭbačyli prosta pasiarod pola pusty techničny kałodziež. Unutry byŭ nie tolki sabaka, ale jašče i kaciania.
Z-za hłybini kałodzieža chłopcy nie zmahli dastać žyvioł sami i vyklikali MNS. Ratavalniki spuścilisia ŭ kałodziež z dapamohaj leśvicy i dastali žyvioł navierch. Tyja adrazu ž uciakli.
