Pres-sakratara «A1» Mikałaja Bredzieleva pačnuć sudzić u kancy žniŭnia
U Minharsudzie 29 žniŭnia pačniecca sud nad palitviaźniem Mikałajem Bredzielevym. Jamu inkryminujuć č. 2 art. 424 KK (Złoŭžyvańnie ŭładaj ci słužbovymi paŭnamoctvami) i art. 361-2 KK (Finansavańnie dziejnaści ekstremisckaha farmavańnia). Viadoma, što sudzić jaho buduć za «finansavańnie ekstremisckaha farmavańnia» pa źmienienym artykule. U redakcyi ad 26 traŭnia 2021 hoda hetaja farmuloŭka adsutničała. Ciapier heta — «finansavańnie ekstremisckaj dziejnaści abo dziejnaści, nakiravanaj na reabilitacyju nacyzmu», piša «Viasna».
35-hadovaha kiraŭnika ŭpraŭleńnia suviaziaŭ z hramadskaściu kampanii A1 Mikałaja Bredzieleva zatrymali 10 śniežnia. Viadoma, što siłaviki jaho źbivali. Adrazu Mikałaja asudzili na 15 sutak, a paźniej pieraviali na Vaładarku.
Paśla zatrymańnia na praŭładnych kanałach źjaviłasia «pakajalnaje videa» ź Mikałajem. Tady padamlałasia, što jon nibyta «źlivaŭ» niejkuju infarmacyju Antonu Matolku.
