Jašče čatyroch minskich advakataŭ pazbavili licenzii, ź ich adzin ciapier za kratami
4 žniŭnia kvalifikacyjnaja kamisija pa pytańniach advakackaj dziejnaści praviała čarhovuju atestacyju advakataŭ Minskaj haradskoj kalehii advakataŭ. Pa jak vynikach niekalki advakataŭ byli pazbaŭlenyja licenzij, paviedamlaje Miniust.
Vital Brahiniec
Pa vynikach atestacyi kamisija pryniała rašeńnie ab spynieńni dziejańnia licenzij Łarysy Atamančuk, Vitala Brahinca i Iłony Załuckaj, bo ich vyklučyli ź Minskaj haradskoj kalehii advakataŭ za «ździajśnieńnie praviny, niesumiaščalnych sa zvańniem advakata». Advakat Siarhiej Afonski pazbaŭlajecca licenzii z-za «niemahčymaści vykanańnia advakatam svaich prafiesijnych abaviazkaŭ z pryčyny niedastatkovaj kvalifikacyi». U dačynieńni da advakatki Mai Alaksandravaj pryniata rašeńnie ab niapoŭnaj adpaviednaści patrabavańniam zakanadaŭstva z adterminoŭkaj atestacyi na šeść miesiacaŭ.
Adnaho z pazbaŭlenych licenzii advakataŭ, Vitala Brahinca zatrymali 23 maja, a 25-ha jamu prysudzili 15 sutak pavodle artykuła KaAP ab niepadparadkavańni supracoŭnikami milicyi. Paśla hetaha jon tak i nie vyjšaŭ na volu.
