U Minsku chočuć uvieści apłatu kartkaj nie tolki ŭ mietro, ale i ŭ naziemnym transparcie
Pra heta padčas pres-kanfierencyi «Sučasnyja pasažyrskija pieravozki ŭ Biełarusi. Što novaha prynios 2022 hod u transpartnuju śfieru krainy» raskazali śpiecyjalisty adździeła arhanizacyi pasažyrskich pieravozak dziaržaŭnaha pradpryjemstva «Staličny transpart i suviaź».
«My ŭžo sprabavali ŭvodzić apłatu naziemnaha prajezdu z dapamohaj płaciežnaj karty, ale bank i pradpryjemstva «Minsktrans» hetaje pytańnie adpravili na dapracoŭku, pakolki isnavali peŭnyja techničnyja niaŭviazki.
U mietrapalitenie validatary stacyjanarnyja, tam kruhły hod zadadzienaja tempieratura i nijakich techničnych prablem nie ŭźnikaje. A ŭ naziemnym transparcie tempieratura mianiajecca i ŭ zaležnaści ad času sutak, i ŭ zaležnaści ad siezona.
Tamu ciapier my dapracoŭvajem šerah prahramnych prablem i ŭ dalejšym płanujem ukaranić funkcyju takoj apłaty i ŭ naziemnym transparcie», — zajavili ŭ «Staličnym transparcie i suviazi».
