U Viciebsku źjaviŭsia murał z hrečaskaj kałonaj i vasilkami
Praca mastaka Hleba Kaštanava źjaviłasia ŭ ramkach prajekta «Tradycyi dziela budučyni», jaki byŭ zapuščany «Biełarusbankam» z nahody jaho viekavoha jubileju. Murał u Viciebsku — piaty z hetaj sieryi, ale pieršy ŭ horadzie, piša sajt Blizko.by.
Adras doma, dzie źjaviłasia praca — praśpiekt Budaŭnikoŭ, 20, korpus 1.
U centry karciny — hrečaskaja kałona, jakuju ŭpryhožyli vasilkami sa słuckich pajasoŭ. Na kałonie siadzić mastak, jaki maluje nieba. U nižniaj častcy murała namalavanyja haradskija vidy, jakija nahadvajuć malunki Marka Šahała.
U levym vierchnim kucie — vieršnik u abłokach, vobraz jakoha moža pračytać kožny pa-svojmu. Chtości ŭ hetym, jak zaznačaje Blizko.by, ubačyć adsyłku da hierba Viciebskaj vobłaści, chtości — palot fantazii hieroja karciny, a chtości — vobraz pahanskaha Jaryły, jaki niasie śviatło i roskvit ludziam.
nu što ž vy tak pra siabie... moža navučyciesia šče čytać... voś napisana - "hrečaskaja kałona, jakuju ŭpryhožyli vasilkami sa słuckich pajasoŭ" što nie tak?
i vohule... mastak tak bačyć)
a ŭ viersie tam šče vieršnik dziŭny. niby kasmanaŭt... ci heta śviaty?
a takaja Pahonia niepravasłaŭnaja niekananičnaja nie zasmučaje spadara?)