Polšča ŭmacuje miažu nie tolki ź Biełaruśsiu, ale i z Rasijaj
Ułady Polščy sabralisia ŭmacavać miažu z Rasiejaj z dapamohaj barjera z elektronnymi sistemami, budaŭnictva jakoha pačniecca ŭžo sioleta, paviedamiła pres-sakratarka načalnika pamiežnaj achovy krainy Hanna Michalskaja.
Ściana na polska-biełaruskaj miažy
Pavodle słoŭ čynoŭnicy, pašyreńnie pierymietralnaj achovy miažy zapłanavanaje na ŭčastku la miažy z Kalininhradskaj vobłaściu i la pamiežnaj raki Buh pobač ź Biełaruśsiu i Ukrainaj.
Ciapier na biełaruskaj miažy ŭ dadatak da najaŭnaha 5-mietrovaha płota idzie budaŭnictva 202-kiłamietrovaha barjera. Tam užo ŭstalavali słupy pad kamiery, paźniej źjaviacca datčyki i sensary.
U lutym stała viadoma pra płany Polščy pabudavać ścianu na miažy z Rasijaj u ramkach vykanańnia zakona ab umacavańni biaśpieki krainy, jaki ŭstupiŭ u siłu ŭ listapadzie 2021 hoda.
