U Hiermanii pabilisia dalnabojščyki ź Biełarusi i Ukrainy, zatrymali abodvuch
Palicyja niamieckaj Bavaryi pačała rasśledavańnie ŭ dačynieńni da dvuch dalnabojščykaŭ ź Biełarusi i Ukrainy, jakija pabilisia na parkoŭcy. Pra heta paviedamlaje «Jeŭrapiejskaja praŭda» sa spasyłkaj na paviedamleńnie palicyi.
Fota ilustracyjnaje
Incydent adbyŭsia 30 lipienia na parkoŭcy Ziejechamier-Zieje kala fiederalnaj trasy A8. Adznačajecca, što pamiž dalnabojščykami ŭźnikła «haračaja sprečka», ale jaje pryčyny nie ŭdakładniajucca.
Jak paviedamlajecca, 33-hadovy biełarus nanios 50-hadovamu ŭkraincu surjoznuju traŭmu hartani, tady jak toj dušyŭ svajho supiernika rukami. Kali palicyja prybyła na miesca, abodva bilisia ŭ kanavie.
Pa prośbie prakuratury Miunchiena ofis kryminalnaj palicyi horada Misbach pačaŭ rasśledavańnie ŭ dačynieńni da abodvuch mužčyn. Hramadzianinu Biełarusi pradjavili abvinavačvańnie ŭ naniasieńni cialesnych paškodžańniaŭ, a ŭkraincu inkryminujuć sprobu zabojstva.
I ŭkrainiec, i biełarus uziatyja pad vartu.
