Łučnica, jakaja źjechała ź Biełarusi ŭ Polšču, vyjhrała turnir
Na hetych vychodnych Karyna Kazłoŭskaja, padpisantka lista suprać hvałtu, vyjhrała adrazu try załatyja miedali na etapie kubka hetaj krainy: u asabistym spabornictvie, u žanočaj kamandzie i ŭ mikście. Akramia taho, spartsmienka pabiła svoj asabisty rekord i dva moładzievyja rekordy Polščy.
«U mianie z 2019 hoda nie atrymlivałasia abnavić svoj rekord u Biełarusi — dzieści praz stres, dzieści praź cisk. U nas byli roznahałośsi z trenieram i hałoŭnym trenieram. U Polščy ja adčuła siabie značna valniej i lahčej. U mianie pavialičyłasia nahruzka, ale treniroŭki iduć u asałodu. Ja iznoŭ adčuła, što heta majo paklikańnie», — padzialiłasia spartsmienka z sajtam Tribuna.com.
Paśla takich vynikaŭ rastuć šancy na chutkuju źmienu spartyŭnaha hramadzianstva Kazłoŭskaj i jaśniej bačycca pierśpiektyva jaje ŭdziełu ŭ Alimpijskich hulniach — 2024, mima jakich biełaruskaja zbornaja ź vialikaj vierahodnaściu pralataje.