U Lidzie mužčyna z reŭnaści abliŭ žonku bienzinam i padpaliŭ
U Lidzie raspačali kryminalnuju spravu ab zamachu na zabojstva ŭ dačynieńni da 33-hadovaha žychara horada, jaki padpaliŭ svaju žonku, paviedamlaje Śledčy kamitet.
Ranicaj 15 lipienia na hlebie reŭnaści pamiž mužam i žonkaj uźnikła svarka. Mužčyna nastojliva patrabavaŭ u žonki addać jamu mabilny telefon, kab dakazać jaje zdradu. Atrymaŭšy admovu, jon razzłavaŭsia, schapiŭ kanistru ź bienzinam i abliŭ 32-hadovuju žančynu, paśla čaho padpaliŭ.
Paciarpiełuju z apiokami 60% cieła miedyki pavieźli ŭ balnicu. Niahledziačy na namahańni daktaroŭ, praź niekalki dzion jana pamierła. Taksama paciarpieła i ich 13-hadovaja dačka, jakaja ŭ momant siamiejnaha kanfliktu była doma. Jana znachodzicca ŭ špitali, jaje žyćciu ničoha nie pahražaje.
Na dopycie žychar Lidy raspavioŭ, što chacieŭ prosta napałochać žonku, kab jana addała jamu telefon. Raniej jon pryciahvaŭsia da kryminalnaj adkaznaści. U šlubie muž i žonka pražyli bolš za 14 hadoŭ.
Dziejańni 33-hadovaha mužčyny kvalifikavanyja pa č. 1 art. 14 p. p. 5, 6 č. 2 art. 139 KK (zamach na zabojstva, ździejśnienaje ahulnaniebiaśpiečnym sposabam z asablivaj žorstkaściu.