Chočacie daviedacca, što toić vaša padśviadomaść? Prajdzicie hety TEST
Psichałahičnyja testy, viadoma, nie zamieniać pachod da śpiecyjalista, ale ŭsio roŭna dazvolać daviedacca pra siabie šmat cikavaha. Siońnia prapanujem vam test «Špacyr pa lesie», jaki dapamoža zazirnuć u svaju padśviadomaść.
Usie fota: pixabay.com.
Kab prajści hety test, padrychtujcie list papiery i ručku, znajdzicie trochi volnaha času. Zapisvajcie pieršy adkaz, jaki pryjdzie ŭ hałavu. Važna adkazać na ŭsie pytańni testa pierad tym, jak čytać tłumačeńni da jaho, bo ŭ inšym vypadku test budzie biessensoŭny, piša kobietaxl.pl.
- Ujavicie, što vy idziacie pa lesie. Pa jakoj ściežcy? Pramaja jana ci nie? U jakim stanie raślinnaść navokał? Vy adzin ci z vami jość niechta jašče? Chto heta?
- Raptoŭna vy sustrakajecie žyviołu. Što heta za žyvioła? Jak vy da jaje staviciesia? Dobra apišycie vaša ŭzajemadziejańnie ź joj.
- Vy idziacie pa lesie i raptam ściežka zakančvajecca. Udalečyni vy bačycie pryhožy dom — dom vašaj mary. Jak jon vyhladaje? Apišycie jaho pamier, kolkaść voknaŭ, najaŭnaść (ci nie) krataŭ, achovy i hetak dalej.
- Vy śmieła ŭvajšli ŭ dom i apynulisia ŭ haścinaj. U jaje centry staić stoł. Što heta za stoł? Što znachodzicca nad im i vakoł jaho?
- Dalej vy idziacie da zadnich dźviarej. Pierad tym, jak vyjści z doma, vy razumiejecie, što niechta pakinuŭ na padłozie kubak. Ź jakoha materyjału jon zrobleny? Što vy ź im robicie?
- Vy vychodzicie z doma i idziacie nazad u les. Raptam zaŭvažajecie na svaim šlachu vadajom, jaki pieraškadžaje vam iści dalej. Što heta za vadajom? Jak jaho pieraadoleć?
- Vy dajšli da kanca ściežki, lesu bolš niama. Ci budziecie aziracca?
Čytajcie tłumačeńni da testa pad anonsami.
Hetaja iluzija zmušaje vas dumać, što vy ŭvachodzicie ŭ tunel — spraŭdzicie sami!
Jak pazbavicca zvyčki biaskonca hartać stužku navinaŭ? Adkazvajuć psichołahi
Paśla taho, jak my prajšli ŭvieś šlach i zaviaršyli test, pryjšoŭ čas daviedacca, što ž chavaje naša padśviadomaść.
Lasnaja ściežka adlustroŭvaje toje, jak vy bačycie śviet vakoł siabie. Kali drevy vakoł ściežki rastuć uparadkavana, heta značyć, što, pa vašych adčuvańniach, vaša žyćcio idzie ŭ pravilnym kirunku, i vy čakajecie ad budučyni stanoŭčaha. Kali ž ściežka vyhladaje dzikaj, a drevy rastuć chaatyčna, heta aznačaje, što vy nibyta nie viedajecie, kudy idziacie.
Kali vy idziacie pa ściežcy z kimści jašče, to heta toj čałaviek, jakoha vy zaŭsiody žadajecie bačyć kala siabie, ciapier heta samy važny čałaviek u vašym žyćci. Kali ž vy vyrašyli iści pa ściežcy ŭ adzinocie, heta aznačaje, što vy nie bačycie kala siabie nikoha, chto moh by supravadžać vas na hetym žyćciovym etapie.
Žyvioła, jakuju vy sustrakajecie, źjaŭlajecca adbitkam vašych prablem. Nie važna, što heta za žyvioła nasamreč, važna, jak vy jaje sabie pradstavili, jaki jana maje pamier i nakolki jana ahresiŭnaja.
Toje, jak vy ŭzajemadziejničajecie z žyviołaj, pakazvaje, nakolki dobra vy vyrašajecie svaje prablemy. Kali žyvioła vas atakuje, mahčyma, vy adčuvajecie, što prablemy razburajuć vašu psichałahičnuju ŭstojlivaść, kali ž vy spakojna kantaktujecie z žyviołaj, mahčyma, vy schilnyja da taho, kab aktyŭna vyrašać svaje prablemy. Narešcie, kali vy ihnarujecie žyviołu, heta moža aznačać, što vy paźbiahajecie sutyknieńnia sa svaimi prablemami.
Pamier doma demanstruje vaš uzrovień ambicyjnaści i zdolnaści vyrašać prablemy. Kali ŭ domie šmat akon, heta pakazčyk vysokaj ekstraviertnaści. Ź inšaha boku, kali ŭ im mała akon i šmat achovy, heta prykmieta niaŭpeŭnienaści i saramlivaści.
Kali vakoł stała ŭ haścinaj niama ludziej, a na stale niama ni ježy, ni kvietak, chutčej za ŭsio, vy ciapier nie atrymlivajecie zadavalnieńnie ad žyćcia ci ŭvohule nieščaślivyja.
Materyjał, ź jakoha zrobleny kubak na padłozie, pakazvaje, jak vy staviciesia da čałavieka ź pieršaha pytańnia. Kali kubak zrobleny ź mietału ci z kieramiki, u vas tryvałyja i stabilnyja adnosiny, kali ž jon płastykavy ci ŭvohule z papiery, vy adčuvajecie mała stabilnaści ŭ vašych adnosinach. Toje, što vy vyrašyli zrabić z kubkam — heta vaša ŭjaŭleńnie pra toje, što b vy chacieli zrabić z adnosinami z čałaviekam ź pieršaha pytańnia.
Typ vadajoma i jaho pamier demanstrujuć pamier i intensiŭnaść vašaha seksualnaha žadańnia. Kali vy nie suprać pramoknuć, kab pierajści na inšy bok vadajoma, heta aznačaje, što vy nadajacie šmat uvahi seksu ŭ vašym žyćci.
Narešcie, kali vy vyrašyli azirnucca nazad u kancy vašaha šlachu, heta možna rastłumačyć dvuma sposabami. Pa-pieršaje, vy nadajacie vialikaje značeńnie minułamu, pa-druhoje, vy spadziavajeciesia, što ŭsio, z čym vy sutyknulisia na vašym šlachu, usio jašče budzie bačnaje.
( nie śmiešno
iźvinitie