Insajdary: Ad Dźmitryja Miadźviedzieva syšła žonka
Pavodle źviestak centra «Daśje» Michaiła Chadarkoŭskaha, va ŭładnych kołach Rasii ciapier aktyŭna abmiarkoŭvajuć rasstańnie namieśnika kiraŭnika Rady biaśpieki Miadźviedzieva z žonkaj. Pryčym inicyjataram razryvu nibyta była mienavita Śviatłana — u dziavoctvie Lińnik.
U siecivie aktyŭna abmiarkoŭvajecca rasśledavańnie, apublikavanaje ŭ telehram-kanale «Možam rastłumačyć» sa spasyłkaj na źviestki centra «Daśje». «Možam rastłumačyć» — heta novaja nazva kanała «Adkrytyja miedyja. Ekskluzivy», pierajmienavanaha ŭ vieraśni 2021 hoda, paśla pryznańnia arhanizacyj Chadarkoŭskaha ekstremisckimi i błakavańnia vydańniaŭ.
Pavodle infarmacyi centra «Daśje», jaki spasyłajecca na ananimnyja krynicy, u apošni čas u pary «adbyŭsia surjozny razład». Mienavita z hetaj padziejaj, a taksama sychodam z urada i źnižeńniem palityčnaha ŭpłyvu, žurnalisty źviazali novy publičny vobraz Miadźviedzieva, jaki raniej ličyŭsia sistemnym libierałam. Jon staŭ pisać žorstkija pasty ŭ padtrymku vajny z Ukrainaj i litaralna pahražaje zbrojaj Zachadu.
U apošnija hady para praktyčna nie źjaŭlałasia na publicy razam. Śviatłana Miadźviedzieva čaściej była adna, na što źviarnuŭ uvahu telehram-kanał. Tak, 19 studzienia žonka eks-prezidenta Rasii naviedała cyrymoniju aśviačeńnia vady ŭ marskim sabory Kranštata. Dvuma hadami raniej jana pryjechała ŭ Pakroŭski manastyr, dzie pavinšavała vychavanak z Kaladami. Padčas usich hetych vizitaŭ Dźmitryj Miadźviedzieŭ nie supravadžaŭ žonku. Vyhladaje, što ich apošniaje sumiesnaje źjaŭleńnie adbyłosia ŭ studzieni 2020-ha na vielikodnym nabaženstvie ŭ Maskvie.
Pry hetym da taho para pastajanna prysutničała na aficyjnych pryjomach, fatahrafavałasia razam z suśvietnymi lidarami, u tym liku i ź Mišel Abamaj. Miadźviedzievu paraŭnoŭvali z Raisaj Harbačovaj: jaje vobraz vielmi mocna adroźnivaŭsia ad Ludmiły Pucinaj, jakaja curałasia publičnaści.
Paśla vychadu rasśledavańnia na aficyjnaj staroncy Dźmitryja Miadźviedzieva va Ukantakcie źjaviłasia videavinšavańnie ad jaho i jaho žonki Śviatłany z dniom siamji, lubovi i viernaści. Jon śviatkujecca z 2008 hoda: tady Miadźviedzieŭ znachodziŭsia na pasadzie prezidenta Rasii.
Dźmitryj Miadźviedzieŭ: ja sardečna vinšuju ŭsie rasijskija siemji, ciabie, Śviatłana, našu siamju z hetym śviatam.
Śviatłana Miadźviedzieva: Dziakuj. I ciabie vinšuju.
Miadźviedzievy znajomyja ź pieršaha kłasa škoły, sustrakacca jany pačali jašče padletkami, a ŭ 1993 hodzie ŭziali šlub. Fond baraćby z karupcyjaj raniej śćviardžaŭ, što Śviatłana Miadźviedzieva karystajecca biznes-džetam Bombardier za 50 młn dalaraŭ, jaki naležaŭ banku VTB. Paśla pačatku vajny hety łajnier nie raz lotaŭ u Dubaj i nazad. Taksama Miadźviedzieva ličycca svajačkaj saŭładalnikaŭ ahrachołdynha «Miratorh» Viktara i Alaksandra Lińnikaŭ (u pres-słužbie ŭrada hetyja čutki abviarhali, nazyvajučy adnolkavyja proźviščy «supadzieńniem»).
skažam tak)
adzin mudły čałaviek (ja nie šuču. ja diejstvitielno prodołžaju sčitať jeho muŭdrym))
skazaŭ mnie niezadoŭha da našaha ź im rastavańnia - "padobnaje pryciahvaje padobnaje"
vysnovy rabicie sami)
"A jana zanadta tupaja, kab heta pabačyć, i zrazumieć u jakoj burbałkie jana zaraz žyvie»
i imienno takoj priezidient siejčas nužien Biełarusi? kohda vsie mieniajetsia nie prosto striemitielno, a so skorosťju śvieta kohda Biełaruś na porohie vojny sohłasna - takaja "zanadta tupaja, kab heta pabačyć, i zrazumieć u jakoj burbałkie jana zaraz žyvie" - normalno zašła dla pierioda postzastoja - u usatoj sipatoj chitrozačiesannoj normalno połučiłoś let 30 potormoziť. nado otdať jej dołžnoje) no siejčas sovieršienno druhoje vriemia. vriemia vojny. a tut tupaja na rol lidiera nikak nie podojdiet
"A jana zanadta tupaja, kab heta pabačyć, i zrazumieć"