Pierad kancertam zatrymali art-mieniedžara Uładzimira Bułaŭskaha
Učora ŭ horadzie Sianno na Viciebščynie zatrymali Uładzimira Bułaŭskaha, viadomaha art-mieniedžara, arhanizatara kancertaŭ i muzyku.
Heta adbyłosia ŭviečary, pierad kancertam «Kupalskaje koła», dzie Uładzimir musiŭ hrać z etna-hurtom «Huk».
«Zabrali dvoje supracoŭnikaŭ u cyvilnym, biez tłumačeńnia pryčyny. Nibyta zavieźli jaho ŭ Viciebsk», — raskazali Biełaruskaj radzie kultury siabry Uładzimira.
Heta ŭžo čaćviortaje zatrymańnie Bułaŭskaha za apošnija dva hady. U vieraśni 2020 hoda jaho asudzili na 8 sutak i pryznali vinavatym u parušeńni zakanadaŭstva ab masavych mierapryjemstvach (art. 23.34 KaAP). U listapadzie 2021 hoda — pakarali 7-sutačnym aryštam za «raspaŭsiudžvańnie infarmacyjnaj pradukcyi, uklučanaj u respublikanski śpis ekstremisckich materyjałaŭ» pa art. 19.11 KaAP. I ŭ lutym, u asnoŭny dzień praviadzieńnia refierendumu, jaho asudzili na 15 sutak.
