Hienieralnaja prakuratura Ukrainy rasśleduje bolš za 21 tysiaču vajennych złačynstvaŭ
Hienieralny prakuror Ukrainy Iryna Vieniadziktava raskazała Bi-bi-si, što prakuratura rasśleduje bolš za 21 tys. vajennych złačynstvaŭ, jakija, jak miarkujecca, učynienyja z pačatku rasijskaha ŭvarvańnia. Pavodle jaje słoŭ, u Hienprakuraturu štodnia pastupajuć paviedamleńni ab 200-300 vajennych złačynstvach.
Padčas ekshumacyi pareštkaŭ zabitych u Bučy. Fota: AP Photo/Natacha Pisarenko
U intervju Bi-bi-si Vieniadziktava pryznała, što mnohija sudovyja pracesy daviadziecca pravodzić zavočna, ale padkreśliła, što praciah sudovaha pieraśledu — heta pytańnie spraviadlivaści.
«Vielmi važna, kab rasijskija vajskoŭcy, jakija vyrašyli zabivać mirnych žycharoŭ, katavać mirnych žycharoŭ, hvałtavać mirnych žycharoŭ, razumieli, što heta tolki pytańnie času, kali jany ŭsie stanuć pierad sudom», — skazała jana.
Hienprakuror zajaviła, što jaje kamanda prysutničaje ŭ rehijonach pa ŭsioj Ukrainie, ale nie moža rasśledavać usie spravy naležnym čynam i efiektyŭna z-za adsutnaści dostupu da niekatorych ludziej i rajonaŭ.