Były «deputat Niezaležnaści» Mikałaj Markievič trapiŭ u balnicu, nie dasiadzieŭšy 10 sutak
Žurnalist i były deputat Viarchoŭnaha Savieta 12-ha sklikańnia Mikałaj Markievič nie zdoleŭ adbyć nakładzieny na jaho 10-sutkavy administracyjny aryšt całkam, bo patrapiŭ u balnicu za dzień da kanca terminu, paviedamiła inicyjatyva «Pravo imiejut».
59-hadovaha Markieviča zatrymali 21 červienia ŭ Hrodnie. Paźniej jaho asudzili na 10 sutak za niejki repost. Adnak całkam terminu jon nie adbyŭ, bo trapiŭ u balnicu.
Mikałaj Markievič — adzin z deputataŭ Apazicyi BNF u Viarchoŭnym Saviecie 12-ha sklikańnia (1990—1995). U 1995 hodzie jon byŭ udzielnikam haładoŭki deputataŭ Viarchoŭnaha Savieta, arhanizavanaj u znak pratestu ab praviadzieńni refierendumu pa pytańniach źmieny dziaržaŭnaj simvoliki i ŭviadzieńnia dziaržaŭnaha dvuchmoŭja. Paśla byŭ adnym z zasnavalnikaŭ i hałoŭnym redaktaram hrodzienskaj haziety «Pahonia», u 2002 hodzie jaho asudzili na dva hady abmiežavańnia voli za paklop na Łukašenku.
Apošnim časam Markievič zajmaŭsia pasažyrskimi pieravozkami ŭ firmie «Kłas-Tur».
