Palitviazień Ivan Dubroŭski — na voli
Pra toje, što palitviazień Ivan Dubroŭski całkam adbyŭ termin i vyjšaŭ na volu, paviedamlaje «Viasna». 27 studzienia sudździa suda Kastryčnickaha rajona Hrodna Maksim Hałubovič prysudziŭ Ivanu 1 hod kałonii va ŭmovach ahulnaha režymu. Taksama sud pastanaviŭ kanfiskavać u dachod dziaržavy jahony aŭtamabil Toyota Yaris.
32-hadovaha Ivana Dubroŭskaha zatrymali 1 kastryčnika 2021 hoda ŭ miežach kryminalnaj spravy pavodle artykuła 342 Kryminalnaha kodeksa (Udzieł u dziejańniach, jakija hruba parušajuć hramadski paradak).
Pavodle śledstva, abvinavačany ŭ vieraśni 2020 hoda prymaŭ udzieł u niesankcyjanavanym masavym mierapryjemstvie. Jon nibyta naŭmysna spyniŭ svoj aŭtamabil Toyota Yaris u centralnaj častcy Hrodna na moście praź Nioman, čym pieraškadžaŭ ruchu inšaha transpartu.