Va Ukrainie asudzili biełarusa na 1,5 hoda ŭmoŭna za seks u publičnym miescy. Spačatku jaho chacieli zabrać u vojska
Va Ukrainie hramadzianina Biełarusi pakarali ŭmoŭnym terminam za seks u publičnym miescy, choć ułady zajaŭlali, što za hetyja «chulihanskija» dziejańni jamu razam z žančynaj uručyli pozvy ŭ vojska, piša «Radyjo Svaboda».
Historyja, kali mužčyna i žančyna zajmalisia seksam na terytoryi bazy adpačynku PublicBeachClub u Adesie, stała rezanansnaj va Ukrainie. Videazapis abyšoŭ praktyčna ŭsie ŭkrainskija infarmacyjnyja telehram-kanały.
Vielmi apieratyŭna na dziejańni pary adreahavaŭ daradca kiraŭnika Adeskaj abłasnoj vajskovaj dziaržaŭnaj administracyi Siarhiej Bratčuk. Jon zajaviŭ, što paru nakiravali na miedycynskuju kamisiju z dalejšym nakiravańniem na słužbu ŭ vojska.
Adnak papraŭdzie sud abmiežavaŭ pieramiaščeńni abodvuch fihurantaŭ spravy chatnim aryštam, a palicyja zaviała spravu suprać ich pavodle č. 2 artykuła 296 Kryminalnaha kodeksa Ukrainy (chulihanstva — parušeńnie hramadskaha paradku pa matyvach vidavočnaj niepavahi da hramadstva, jakoje supravadžajecca asablivaj dziorzkaściu abo vyklučnym cynizmam, učynienaje hrupaj asobaŭ).
Za hetyja dziejańni praduhledžanaja kryminalnaja adkaznaść — abmiežavańnie voli na termin da piaci hadoŭ abo pazbaŭleńnie voli na termin da čatyroch hadoŭ.
Pieršaha lipienia adeski sud vynies pryhavor: hramadzianin Biełarusi asudžany na paŭtara hoda pazbaŭleńnia voli, a žančyna — na adzin hod pazbaŭleńnia voli. Sud vyzvaliŭ ich ad adbyvańnia pakarańnia na adzin hod, ciaham jakoha jany musiać pieryjadyčna adznačacca ŭ orhanach prabacyi, nie vyjazdžać z Ukrainy, a taksama paviedamlać pra źmienu miesca pražyvańnia, pracy abo navučańnia.
