Polšča pačnie prymać zajavy biełarusaŭ na humanitarnyja dazvoły na žycharstva z 8 lipienia
Vajavodskija ŭpravy ŭ Polščy pačnuć pryjom zajaŭ na vydaču dazvołaŭ na žycharstva pa humanitarnych pryčynach z 8 lipienia, paviedamlaje Ofis Śviatłany Cichanoŭskaj sa spasyłkaj na MUS krainy.
Z 1 žniŭnia čakajecca pačatak vydačy humanitarnych vizaŭ u Varšavie dla biełarusaŭ, jakija prybyli z Ukrainy bieź viz, ź vieraśnia — u Biełastoku, Lublinie i Poznani. Abmiarkoŭvalisia i prablemy z zapisam na vizy ŭ Biełarusi.
Pierad hetym, paśla adnaho z apošnich vizitaŭ Śviatłany Cichanoŭskaj, pradstaŭnikoŭ jaje Ofisa i Nacyjanalnaha antykryzisnaha ŭpraŭleńnia, pry MUS krainy była stvorana śpiecyjalnaja pracoŭnaja hrupa. Pa vynikach jaje pracy byli raspracavanyja i ŭniesienyja papraŭki ŭ zakanadaŭstva Polščy, jakija praduhledžvajuć vydaču biełarusam dazvołaŭ na žycharstva pa humanitarnych pryčynach, a taksama vydaču humanitarnych vizaŭ niepasredna na terytoryi krainy biełarusam, vymušanych pieramiaścicca ŭ Polšču z Ukrainy z-za vajny.
