Kačyński: U Biełarusi niama ŭnutranych sił, zdolnych skinuć Łukašenku
«Pakul što Biełaruś całkam padparadkavanaja Rasii», — ličyć upłyvovy kiraŭnik polskaj partyi «Zakon i spraviadlivaść» (PiS) Jarasłaŭ Kačyński.
Jarasłaŭ Kačyński. Fota: AP
«Pakul što Biełaruś całkam padparadkavanaja Rasii. Łukašenka ledź nie papłaciŭsia za zachavańnie svajoj ułady dałučeńniem da Rasii. Viadoma, jon uchilajecca ad udziełu ŭ vajnie, tamu što baicca, što ŭ vypadku paražeńnia Rasii — a jon tak dumaje — Zachad urešcie ŭstupić u hetuju vajnu, i jana skončycca poŭnym paražeńniem», — cytuje słovy Kačyńskaha Polskaje radyjo.
Na dumku palityka, ciapier u Biełarusi niama siłaŭ, jakija b zmahli skinuć Łukašenku. «Čamu toje paŭstańnie, jakoje ŭspychnuła letam pazaminułaha hoda, skončyłasia paražeńniem? Prosta tamu, što vialikija pradpryjemstvy nie dałučylisia da jaho», — skazaŭ staršynia PiS.
«Ź inšaha boku, mahčyma, u Jeŭropie budzie farmavacca novaja hieapalityčnaja sistema, i ŭ Biełarusi taksama adbuducca źmieny ŭ ramkach hetaj sistemy. Ja b hetaha vielmi chacieŭ, ale ciapier nie mahu ničoha abiacać», — padkreśliŭ lidar partyi.
Jak padkreśliŭ Jarasłaŭ Kačyński, havorka idzie pra vynik vajny va Ukrainie, jaki, jak jon padkreśliŭ, pakul adkrytaje pytańnie.
