Łukašenka zajaviŭ, što Minsk nie choča vajavać, a jon i Pucin nikoha nie šantažujuć jadziernaj zbrojaj
Napiaredadni 3 lipienia Alaksandr Łukašenka vystupiŭ z pramovaj u Pałacy Respubliki, dzie sabrali niekalki tysiač čałaviek: čynoŭnikaŭ, pradziaržaŭnych aktyvistaŭ i artystaŭ, vieteranaŭ.
Łukašenka nie abminuŭ temu vajny va Ukrainie. Jon zajaviŭ, što Minsk nie choča vajavać va Ukrainie i što nivodnaha biełaruskaha sałdata zaraz tam niama.
Pry hetym jon raspavioŭ, što nibyta niekalki dzion tamu ŭkrainskija vojski sprabavali nanieści ŭdar pa vajskovych abjektach Biełarusi, ale ŭsie rakiety byli pierachoplenyja. Treba adznačyć, što pra sproby ataki na biełaruskija vajskovyja abjekty nie paviedamlali ni biełaruskija krynicy, ni ŭkrainskija. Nijakich fota ci videa ŭ publičnym dostupie nie źjaŭlałasia.
Taksama Łukašenka dadaŭ, što jon i Uładzimir Pucin nikoha nie šantažujuć jadziernaj zbrojaj. Nahadajem, što pry kancy červienia padčas sustrečy z Pucinym u Sankt-Pieciarburhu Łukašenka havaryŭ pra nieabchodnaść «lustranoha» adkazu na dziejańni NATA. Havorka šła pra mahčymaści raźmiaščeńnia jadziernaj zbroi.
