U Vieniesuełu ź pierasadkaj na Kubie. Biełarusam paabiacali novyja kurorty
Nacyjanalny aeraport Minsk abmiarkoŭvaje adkryćcio pasažyrskich rejsaŭ ź iranskimi, vjetnamskimi i vieniesuelskimi avijakampanijami. Pra heta raskazaŭ hienieralny dyrektar pradpryjemstva Viačasłaŭ Charanieka.
Tak, viaducca «pierśpiektyŭnyja pieramovy» ź iranskim pieravozčykam Mahan Air i adnoj z avijakampanij Vjetnama, jakaja zacikaŭlenaja ŭ arhanizacyi čartarnych rejsaŭ ź biełaruskaj stalicy da svaich kurortaŭ.
Charanieka taksama nahadaŭ, što zimoj pradpryjemstva abmierkavała z partniorami ź Vieniesueły adkryćcio hruzavych i pasažyrskich rejsaŭ.
— Pryčym prapracoŭvajecca varyjant vykanańnia pasažyrskaha rejsa ź Minska ŭ Vieniesuełu z pramiežkavaj pasadkaj na Kubie. Taki rejs moh by pavialičyć turystyčny patencyjał, źviazaŭšy Biełaruś z krainami Łacinskaj Amieryki, — udakładniŭ Charanieka.
