Palitviaźnia Aleha Mazhova, jakomu ŭzmacnili režym, pieraviali ŭ babrujskuju kałoniju
Z 15 červienia palitźniavoleny spartsmien Aleh Mazhoŭ znachodzicca ŭ papraŭčaj kałonii № 2, paviedamlaje «Viasna».
Sud Mazyrskaha rajona 6 krasavika pryniaŭ rašeńnie ab uzmacnieńni režymu palitviaźniu i pieravodzie jaho z «chimii» ŭ papraŭčuju kałoniju na 9 miesiacaŭ i 17 dzion. Padstavaj dla ŭzmacnieńnia stali čatyry «parušeńni praviłaŭ unutranaha rasparadku va ŭstanovie», adno ź jakich było ŭ tym, što Aleh nibyta nie pavitaŭsia z supracoŭnikam «chimii».
Termin Aleh adbyvaŭ u papraŭčaj ustanovie №21, u jakoj, pa infarmacyi ad palitźniavolenych, ich utrymlivajuć u niečałaviečych umovach. Taksama ŭ studzieni paviedamlałasia, što administracyja hetaj ustanovy admaŭlała ŭ špitalizacyi chvorym viaźniam.
Nahadajem, Aleha asudzili da troch hadoŭ «chimii» pa č. 1 art. 342 KK za toje, što 9 žniŭnia 2020 hoda jon stajaŭ u sčepcy i vykrykvaŭ łozunhi.
Padtrymajcie palitviaźnia: PK № 2, 213800, h. Babrujsk, vuł. Sikorskaha, 1, Aleh Alehavič Mazhoŭ.
