Žycharku Dokšycaŭ buduć sudzić za dapamohu represavanym
Prakuratura Bresckaj vobłaści nakiravała ŭ sud kryminalnuju spravu ŭ dačynieńni da 33-hadovaj žycharki Dokšycaŭ. Jaje vinavaciać u finansavaj dapamozie represavanym, piša «Jeŭraradyjo».
Abvinavačańnie vysunutaje pa č. 2 art. 342 Kryminalnaha kodeksa (navučańnie ci inšaja padrychtoŭka asob dla ŭdziełu ŭ hrupavych dziejańniach, jakija hruba parušajuć hramadski paradak, a taksama finansavańnie ci inšaje materyjalnaje zabieśpiačeńnie takoj dziejnaści).
Žančynie pahražaje da troch hadoŭ pazbaŭleńnia voli.
Paviedamlajecca, što 12 žniŭnia na roznych internet-resursach žančyna ad imia adnaho z zamiežnych fondaŭ apublikavała infarmacyju pra zbor hrošaj dla represavanych biełarusaŭ.
Z 13 žniŭnia pa 19 śniežnia 2020 hoda ad imia fondu jana pieraličyła bolš za 37 tysiač rubloŭ. Hetyja hrošy pajšli na apłatu štrafaŭ, pasłuhi advakataŭ, dziaržaŭnuju pošlinu za padaču skarhaŭ dy inšuju materyjalnuju dapamohu.
Žančynu ŭziali pad vartu.
