Amierykanskaja raźviedka: Pucin dahetul choča zachapić bolšuju častku Ukrainy
Dyrektar Nacyjanalnaj raźviedki ZŠA Eŭrył Hiejns zajaviła, što prezident Rasii Uładzimir Pucin da hetaha času nie admoviŭsia ad płanaŭ zachapić vialikuju častku terytoryi Ukrainy vajennym šlacham. Pra heta paviedamlaje Reuters.
Fota: kremlin.ru
«My i dalej znachodzimsia ŭ situacyi, kali hladzim na Pucina i ličym, što jon maje pa sutnaści tyja ž palityčnyja mety, jakija mieŭ i raniej, heta značyć jon choča zachapić vialikuju častku Ukrainy», — raskazała Hiejns padčas pres-kanfierencyi Ministerstva handlu ZŠA 28 červienia.
Jana taksama padkreśliła, što amierykanskaja raźviedka raspracavała try mahčymyja scenary dalejšaha raźvićcia vajny Rasii va Ukrainie ŭ karotkaterminovaj pierśpiektyvie.
Najbolš vierahodnym jana ličyć scenar zahruzłaha kanfliktu, u jakim RF dasiahnie tolki niaznačnych zavajoŭ.
Inšyja scenary — heta praryŭ Rasii ci stabilizacyja linii frontu ŭkrainskimi abaroncami z mahčymymi, ale niaznačnymi pośpiechami ŭ rajonie Chiersona i inšych nasielenych punktaŭ na poŭdni Ukrainy.
«Kali koratka, to situacyja maje davoli zmročny vyhlad», — padahulniła Hiejns.
Kiraŭnik ukrainskaj dziaržavy Uładzimir Zialenski siońnia źviarnuŭsia da samitu NATA ŭ Madrydzie i zaklikaŭ dziaržavy NATA dapamahčy Ukrainie spynić ahresiju Rasii. «Albo ekstranaja dapamoha Ukrainie, albo adkładzienaja vajna z RF», — miarkuje jon.
