Rasijski aŭtapram lichamanić: vypusk lehkavych mašyn u mai źmienšyŭsia na 96,7%
Pa źviestkach Rasstata, usiaho ŭ Rasii ŭ studzieni-mai było vypuščana 268 tys. lehkavych aŭtamabilaŭ, što na 56,4% nižej, čym u hety ž pieryjad 2021 hoda. A vypusk lehkavych aŭtamabilaŭ u RF pa vynikach maja ŭ paraŭnańni z anałahičnym pieryjadam minułaha hoda pamienšyŭsia ŭvohule na 96,7%, piša TASS.
Ilustracyjnaje fota
U adnosinach da krasavika hetaha hoda vytvorčaść rasijskich lehkavych aŭtamabilaŭ źniziłasia na 81,3%.
Vypusk hruzavych aŭtamabilaŭ u RF taksama prasieŭ, ale nie tak značna. U mai jon źmienšyŭsia na 39,3% (—38,2% da krasavika 2022 hoda), a za piać miesiacaŭ było vyrablena 60,1 tys. hruzavikoŭ, što na 12% nižej za pakazčyk za anałahičny pieryjad minułaha hoda.
Pa aŭtobusach situacyja zaležyć ad ich vieličyni. U studzieni-mai 2022 hoda było vypuščana 4,8 tys. aŭtobusaŭ masaj bolš za 5 ton, što na 0,2% nižej, čym za anałahičny pieryjad 2021 hoda. U mai ž vytvorčaść źniziłasia na 6,5% u paraŭnańni z majem minułaha hoda i na 10,5% adnosna krasavika 2022 hoda.
U toj ža čas vytvorčaść aŭtobusaŭ masaj mienš za 5 ton u mai źniziłasia na 77,4% (—42,5% da krasavika 2022 hoda). Usiaho za pieršyja piać miesiacaŭ hetaha hoda było vypuščana 4 tys. takich aŭtobusaŭ, što na 36,8% nižej, čym u minułym hodzie.
