Žycharka Homiela padała zajaŭku na praviadzieńnie pikieta suprać vajny va Ukrainie
Kandydat jurydyčnych navuk Iryna Kučvalskaja padała ŭ homielski harvykankam zajaŭku na praviadzieńnie adzinočnaha pikieta.
Iryna Kučvalskaja. Fota z sacsietak
«Ja suprać hibieli va Ukrainie ni ŭ čym nie vinavatych ludziej, razbureńnia ich haradoŭ. Ja suprać viadzieńnia ahresiŭnaj vajny z ukraincami z terytoryi Biełarusi», — patłumačyła jana metu pikieta.
Čas i miesca praviadzieńnia pikieta Kučvalskaja źbirajecca ŭzhadnić ź miascovymi ŭładami.
Fota z sacsietak
27 lutaha, u dzień praviadzieńnia refierendumu pa źmienach u Kanstytucyju, Iryna Kučvalskaja pryjšła da vybarčaha ŭčastka ŭ škole z płakatam suprać vajny. Za heta jana atrymała 15 sutak aryštu.
Paśla adbyćcia pakarańnia Iryna Kučvalskaja napisała skarhi ŭ roznyja instancyi, dzie pieraličyła mahčymyja parušeńni zakanadaŭstva i patrabavała pravieryć umovy ŭtrymańnia aryštavanych u IČU. Na jaje zvaroty prychodzili adkazy, što i ŭmovy ŭtrymańnia, i charčavańnie, i praviły ŭnutranaha rasparadku «adpaviadajuć zakanadaŭstvu».
Taksama jana źviartałasia da deputataŭ i ŭ prakuraturu, prychodziła na asabistyja pryjomy.
