Krainy «Vialikaj siamiorki» daduć Ukrainie 29,5 młrd dalaraŭ finansavaj dapamohi
Lidary krain «Vialikaj siamiorki» pa vynikach samitu miarkujuć dać Ukrainie finansavuju dapamohu na sumu bolš čym 29,5 młrd dołaraŭ, paviedamlajecca ŭ finalnaj zajavie samitu. Heta musić dapamahčy dziaržavie zakryć finansavy deficyt i zabiaśpiečvać asnoŭnyja pasłuhi ŭkrainskamu narodu.
Lidary krain «Vialikaj siamiorki» padčas samitu. Fota: Markus Schreiber/AP
«My čakajem dadatkovaj płanavaj padtrymki ŭkrainskich dziaržaŭnych pradpryjemstvaŭ i pryvatnaha siektara praź Jeŭrapiejski bank rekanstrukcyi i raźvićcia (JEBRR) i Mižnarodnuju finansavuju karparacyju ŭ pamiery 3,5 młrd dalaraŭ ZŠA», — havorycca ŭ zajavie.
Taksama krainy-partniory G7 abviaścili, što daduć humanitarnuju dapamohu Ukrainie na sumu bolš čym 2,8 młrd dalaraŭ.
Prezident Ukrainy Uładzimir Zialenski padčas samitu zaklikaŭ lidaraŭ krainaŭ «Vialikaj siamiorki» zrabić usio mahčymaje, kab raspačataja Rasiejaj poŭnamaštabnaja vajna zaviaršyłasia da kanca hoda.
