Darja Łosik zapisała zvarot da Łukašenki, u jakim prapanavała abmianiać siabie na muža VIDEA
«Radyjo Svaboda» apublikavała videazvarot žonki palitviaźnia Ihara Łosika Darji. U im dziaŭčyna kaža, što hatovaja sieści ŭ turmu ŭzamien na vyzvaleńnie muža i jaho adjezd z krainy razam z dačkoj.
«Ja hatovaja dobraachvotna sieści ŭ biełaruskuju turmu i ŭziać na siabie ŭsie kryminalnyja artykuły Ihara ŭzamien na jahonuju svabodu. Kali vam vielmi chočacca, vy možacie mnie nakinuć jašče paračku kryminalnych spraŭ dla atrymańnia bolšaj asałody. Ja idu na taki krok tolki pry ŭmovie, što Ihar z dačkoj pakinie krainu. Vy ničoha nie hublajecie, bo ŭ vašaj kramie čałaviečych losaŭ ich kolkaść zastaniecca toj ža», — zajaviła žonka palitviaźnia.
Ihara Łosika zatrymali roŭna dva hady tamu, 25 červienia 2020 hoda, u śniežni 2021 hoda jamu prysudzili 15 hadoŭ kałonii.