Vyjšli na volu palitviaźni Uładzimir Kołas i Maksim Šyrynski. Jany całkam adbyli terminy
Vyjšli na volu dva palitviaźni — Uładzimir Kołas i Maksim Šyrynski, paviedamlaje «Viasna». Uładzimir Kołas byŭ asudžany na 1 hod i 6 miesiacaŭ abmiežavańnia voli z nakiravańniem u papraŭčuju ŭstanovu adkrytaha typu za abrazu Łukašenki (art. 368 KK). A Maksim Šyrynski adbyvaŭ adzin hod «chimii» pa kryminalnaj spravie ab abrazie pradstaŭnika ŭłady (art. 369 KK).
Maksim Šyrynski i Uładzimir Kołas
Kołasa zatrymali 3 krasavika 2021 hoda, spačatku źmiaścili ŭ IČU, a zatym etapavali da miesca adbyćcia pakarańnia. Z 14 krasavika jon znachodziŭsia ŭ papraŭčaj ustanovie №46. Ale niadaŭna ŭ sudzie Kruhlanskaha rajona palitźniavolenamu ŭzmacnili režym za «parušeńnie praviłaŭ unutranaha rasparadku va ŭstanovie» i pieraviali ŭ mahiloŭskuju turmu №4.
Žychar Navahradka Maksim Šyrynski z červienia 2021 hoda znachodziŭsia ŭ papraŭčaj ustanovie № 21 u Mazyry.
