Biełaruskija čyhunačniki: Ź Biełarusi ŭ Rasiju pačali vyvozić bojeprypasy
Telehram-kanał biełaruskich čyhunačnikaŭ paviedamiŭ, što Upraŭleńni vajennych kamunikacyj Ministerstvaŭ abarony Biełarusi i Rasii arandavali ŭ Biełaruskaj čyhunki 100 krytych vahonaŭ pad pieravozku niebiaśpiečnych hruzaŭ. Pa infarmacyi kanała, u ich hruziać dla vyvazu ŭ Rasiju bojeprypasy.
Na dadzieny momant, pa źviestkach kanała, viadziecca pahruzka na mnohich bujnych artyleryjskich bazach uzbrajeńnia i bojeprypasaŭ. Tak, naprykład, siońnia ŭ v/č 67878 (heta 46-y arsienał rakiet i bojeprypasaŭ) u nasielenym punkcie Bronnaja Hara pravodziacca pahruzačnyja raboty.
Kolkaść bojeprypasaŭ nastolki vialikaja, što pahruzku svaimi siłami vajskoŭcy hetaj čaści nibyta arhanizavać nie mohuć, tamu dla ich adkamandziroŭvajuć vajskoŭcaŭ ź inšych padraździaleńniaŭ u dapamohu.
Paśla pahruzki hrupy vahonaŭ (pa 6—10 adzinak), jak paviedamlajecca adpraŭlajuć na stancyi Minskaha čyhunačnaha vuzła i ŭžo tam ich «pryčaplajuć» da zvyčajnych hruzavych ciahnikoŭ i adpraŭlajuć (pa maršrucie: Minsk — Orša — stancyja Krasnaje — Smalensk) na stancyi pryznačeńnia ŭ RF.
