Minlashas aburany infarmacyjaj aficyjnych prafsajuzaŭ ab prablemie z drovami i płanuje źviartacca «ŭ adpaviednyja orhany»
Pieršy namieśnik ministra lasnoj haspadarki Alaksandr Drahun abvierh infarmacyju pra novuju chvalu ažyjatažnaha popytu na drovy, piša BiełTA.
Pa jaho słovach, infarmacyja, jakuju stali raspaŭsiudžvać dniami niekatoryja infarmacyjnyja resursy «nie vytrymlivaje nijakaj krytyki, niepravieranaja i padryvaje imidž lesahaspadarčych ustanoŭ».
— U kancy minułaha tydnia my atrymali 6 tysiač zajavak na drovy ad nasielnictva, na hetym tydni — 8 tysiač zajavak pa krainie. Štodnia zadavalniajucca kala 2,5 tysiačy zajavak, čałaviek čakaje čarhi na pastaŭku drovaŭ nie bolš za 4 dni, — skazaŭ Drahun.
Minlashas płanuje źviarnucca ŭ adpaviednyja orhany, kab jany acanili dziejańni infarmacyjnaha resursu pa raspaŭsiudžvańni niepravieranych faktaŭ.
Ale sprava ŭ tym, što ab prablemach z drovami paviedamili aficyjnyja prafsajuzy. Jany adznačali, što ŭ krainie zachoŭvajecca ažyjatažny popyt na drovy, a čerhi ŭ lashasach — na niekalki miesiacaŭ napierad.
Skrynšot publikacyi na sajcie prafsajuzaŭ.
