Kiraŭnik ukrainskaj raźviedki: Nijakaj pahrozy ŭvarvańnia armii Biełarusi niama
Kiraŭnik Hałoŭnaha ŭpraŭleńnia raźviedki Ukrainy Kiryła Budanaŭ adnaznačna zajaviŭ u efiry nacyjanalnaha telemarafona, što na ciapierašnim etapie vajny pahrozy ŭvarvańnia biełaruskaj armii na terytoryju Ukrainy niama, piša «Ukrainskaja praŭda».
Kiryła Budanaŭ. Fota Dźmitryja Łaryna / UP
«Na hetym etapie nijakaj pahrozy ź biełaruskaha boku niama, heta ja absalutna ŭpeŭniena mahu vam skazać. Situacyja absalutna pad kantrolem.
U Biełarusi praciahvajucca i vajskovyja zbory, i vučeńni, i ŭmacavańnie miažy, prachodzić zaraz ceły kompleks tych ci inšych dziejańniaŭ vajennaha pryznačeńnia. Ale jany nie nakiravanyja na praviadzieńnie bajavych dziejańniaŭ suprać Ukrainy na dadzienym etapie.
Kali ŭ ich źjaviacca takija dumki, my adrazu budziem pra heta viedać i ŭsie razam raspačniem adekvatnyja dziejańni», — skazaŭ hałoŭny ŭkrainski raźviedčyk.
