Vytvorcu kaŭbasy z Mahiloŭskaj vobłaści aštrafavali na 1,5 miljona rubloŭ
Dziaržkantrol aštrafavaŭ vytvorcu kaŭbasy i paŭfabrykataŭ z ptuški za vysokija ceny. U 2020 hodzie, jak paviedamlaje viedamstva, pradpryjemstva niezakonna zarabiła bolš za 770 tysiač rubloŭ.
Vytvorca kaŭbasnych vyrabaŭ i paŭfabrykataŭ ź miasa ptuški ŭ Mahiloŭskaj vobłaści, pavodle źviestak dziaržkantrolu, na šerah pradukcyi zavyšaŭ hraničny narmatyŭ rentabielnaści na vytvorčaści da 19%. Miarkujučy pa zajavie viedamstva, heta adbivałasia na adpusknych cenach.
— Ahulnaja suma niezakonnaha dachodu, atrymanaha z krasavika da lipienia 2020 hoda, pieravysiła 770 tysiač rubloŭ. Za hetaje parušeńnie pradpryjemstva aštrafavanaje na sumu bolš za 1,5 młn rubloŭ, — infarmuje viedamstva. — Za padobnyja parušeńni praduhledžanaja adkaznaść u dvuchrazovym pamiery roźnicy pamiž faktyčnaj vyručkaj, atrymanaj ad realizacyi tavaraŭ, i raźlikovaj vieličynioj vyručki ad realizacyi hetych tavaraŭ pa cenach, ustanoŭlenych u adpaviednaści z zakanadaŭstvam.
