Padviedzienyja aficyjnyja vyniki parłamienckich vybaraŭ u Francyi, raskład dla Makrona składany
Prezident Francyi Emaniuel Makron ciapier užo aficyjna straciŭ absalutnuju bolšaść u Nacyjanalnaj asamblei. U krainie apublikavanyja aficyjnyja vyniki parłamienckich vybaraŭ, druhi tur jakich adbyŭsia ŭčora.
Prezidencki błok Emaniuela Makrona «Razam» atrymaŭ usiaho 245 miescaŭ u Asamblei, u toj čas jak dla kantrolu nad joj patrebny byli 289.
Vyniki astatnich partyj nastupnyja: lidar levych siłaŭ Žan-Luk Miełanšon sa svaim abjadnańniem pad nazvaj Nupes atrymaŭ 131 mandat. Maryn Le Pen i jaje ultrapravaja partyja «Nacyjanalnaje abjadnańnie» zdabyła 89 miescaŭ — amal u dziesiać razoŭ bolš, čym mieła dahetul. Taksama ŭ novy skład parłamienta prachodziać «respublikancy» — jany atrymajuć 61 mandat.
Taki raskład značna ŭskładnić Emanuelu Makronu mahčymaść realizavać svaju prahramu padčas druhoha terminu. Heta pieršy vypadak paśla kanstytucyjnaj reformy 2000 hoda, kali partyja prezidenta, što napiaredadni vyjhraŭ vybary, nie budzie mieć svajoj bolšaści ŭ Nacyjanalnym schodzie.
Takim čynam, los druhoj prezidenckaj kadencyi Makrona budzie zaležać ad «respublikancaŭ» — ci pahodziacca jany (i na jakich umovach) uvajści z «makronaŭcami» ŭ kaalicyju.
