Za nadańnie Ukrainie statusa kandydata ŭ Jeŭrasajuz vykazalisia ŭžo ŭsie krainy-siabroŭki
U žyvym efiry ŭkrainskaha telemarafonu vice-premjerka Ukrainy pa pytańniach jeŭraintehracyi Volha Stefanišyna zajaviła, što nadańnie Ukrainie statusu kandydata ŭ siabry Jeŭrasajuza padtrymlivajuć užo ŭsie ciapierašnija krainy-siabroŭki.
«Usie krainy Jeŭrasajuza paćvierdzili, što jany padtrymlivajuć nadańnie Ukrainie statusu kandydata paśla pastanovy Jeŭrakamisii ŭ minułuju piatnicu. Krainy vykazali svaju padtrymku, navat nie čakajučy pasiadžeńnia 24 červienia», — paviedamiła Stefanišyna.
Hetym razam pakul nie staŭ piarečyć ukrainskaj jeŭraintehracyi navat vienhierski lidar Viktar Orban, jaki najbolš z usich lidaraŭ Jeŭrasajuza schilny ahladacca na Maskvu.
Zrešty, zastajucca pytańni adnosna farmatu kančatkovaj pastanovy. Choć samo nadańnie Ukrainie statusu kandydata, zdajecca, i maje kansensus siarod lidaraŭ krainaŭ Jeŭrasajuza, ale kožnaja moža prapanavać dadatkovyja ŭmovy, jakija mohuć šlach Ukrainy ŭ Jeŭropu značna ŭskładnić i zaciahnuć.
Pakul što Jeŭrapiejskaja kamisija rekamiendavała Jeŭrapiejskaj radzie nadać Ukrainie status kandydata na ŭstupleńnie ŭ Jeŭrasajuz. Kančatkovaja ž pastanova musić być pryniata Jeŭraradaj 23-24 červienia.
