Jeŭrapiejskaja arhanizacyja pa jadziernych daśledavańniach nie budzie supracoŭničać z Rasijaj i Biełaruśsiu
Jeŭrapiejskaja arhanizacyja pa jadziernych daśledavańniach (CIERN) vyrašyła całkam spynić supracoŭnictva z Rasijaj i Biełaruśsiu paśla zakančeńnia terminu kantrakta ŭ 2024 hodzie. Takoje rašeńnie pryniataje ŭ suviazi z poŭnamaštabnym uvarvańniem RF va Ukrainu pry sadziejničańni Biełarusi, paviedamlajecca na sajcie arhanizacyi.
Vialiki andronny kałajdar, zapuščany CIERN
«CIERN była stvoranaja paśla Druhoj suśvietnaj vajny, kab abjadnać nacyi i ludziej dla mirnych zaniatkaŭ navukaj. Dziaržavy-členy adznačyli, što asnoŭnyja kaštoŭnaści arhanizacyi zaŭsiody zasnoŭvalisia na transhraničnym navukovym supracoŭnictvie jak ruchajučaj sile śvietu i padkreślili, što ahresija adnoj krainy suprać inšaj supiarečyć hetym kaštoŭnaściam.
Rada zajaviła pra toje, što maje namier spynić dziejańnie pahadnieńniaŭ CIERN ab mižnarodnym supracoŭnictvie z Rasijskaj Fiederacyjaj i Respublikaj Biełaruś pa zakančeńni terminu ich dziejańnia ŭ 2024 hodzie», — havorycca ŭ zajavie.
U arhanizacyi taksama padkreślili, što buduć uvažliva sačyć za situacyjaj i raspačnuć «lubyja dalejšyja dziejańni».
Adznačajecca, što pahadnieńni ź CIERN padpisvajucca na piać hadoŭ i aŭtamatyčna praciahvajucca na toj ža pieryjad, kali adzin z bakoŭ nie nakiruje piśmovuju zajavu ab spynieńni supracoŭnictva nie mienš čym za šeść miesiacaŭ da zakančeńnia terminu kantrakta.
Termin dziejańnia damovy z RF zakančvajecca ŭ śniežni 2024 hoda, ź Biełaruśsiu — u červieni taho ž hoda.
U sakaviku CIERN prypyniła supracoŭnictva z Rasijaj. 23 dziaržavy — siabry arhanizacyi rašuča asudzili rasijskaje ŭvarvańnie va Ukrainu i vyrašyli prypynić status naziralnika RF, a taksama nie pačynać novaha supracoŭnictva z krainaj-ahresaram.
