«Pakul uklučanyja rasijskija telekanały, dyjałoh niemahčymy»
Novy film rasijskaha žurnalista i reparciora Andreja Łašaka «Razryŭ suviazi» — heta kinafiksacyja taho, jak raspačataja vajna va Ukrainie raskałoła rasijskija siemji. Film vyjšaŭ siońnia na jutub-kanale «Nastojaŝieho vriemieni».
Heta historyja pra toje, jak blizkija ludzi pierastali razmaŭlać i čuć adzin adnaho, a vajaŭničaja rytoryka z rasijskaha tebačańnia pierakinułasia na asabistyja adnosiny ŭnutry siemjaŭ.
Na praciahu dvuch miesiacaŭ aŭtar daśledavaŭ dynamiku adnosin u siami siemjach, jakija žyvuć u Rasii i za jaje miežami. Aŭtar filma vystupiŭ miedyjataram u hetym dyjałohu pamiž baćkami i dziećmi, mužami i žonkami, bratami i siostrami, i pakazaŭ, jak niekatoryja ź ich praciahvajuć biez sumnievu daviarać televizaru, a nie svaim blizkim.
«Razryŭ suviazi» — heta biaźlitasny dyjahnaz častki hramadstva, jakoje razvučyłasia krytyčna ŭsprymać infarmacyju, a taksama sumny dokaz taho, što pakul uklučany televizar z rasijskimi kanałami, dyjałoh pamiž členami siamji naładzić niemahčyma.
