Aŭtaservis u Krymie admoviŭsia absłuhoŭvać aŭtamabil rasijskich vajskoŭcaŭ
U Krymie razhareŭsia skandał paśla taho, jak adzin z aŭtaservisaŭ admoviŭsia absłuhoŭvać aŭtamabil vajskoŭcaŭ. Paźniej «pravierka» pakazała, što heta nibyta niezakonnaja pabudova — jaje źniasuć. Pra heta paviedamlaje «RIA Novosti» sa spasyłkaj na kiraŭnika akupacyjnaha parłamienta Kryma Uładzimira Kanstancinava.
«U pytańni z haspadarom STA, što admoviŭsia dapamahać našym vajskoŭcam, pastaŭlenaja kropka. Paśla pravierki vyśvietliłasia, što aŭtaservis źjaŭlajecca niezakonnaj pabudovaj. Karystajecca vyhadami hramadzianina vialikaj dziaržavy — chaj žyvie pa zakonie. Uładu našu jon moža nie lubić — siłkom nie budzieš luby. A voś pavažać jaje pryjdziecca. Papiarok Rasii lepš chaj bolš nie stanovicca. I inšym padobnym nie raju», — skazaŭ rasijski čynoŭnik.
Jon taksama nazvaŭ zdareńnie «dobrym urokam» dla ŭładalnika aŭtaservisu i paraiŭ tamu pierajechać va Ukrainu.
