U Maskvie pamior vieteran VAV, nibyta za paklop na jakoha asudzili Navalnaha
U Maskvie 18 červienia pamior vieteran Vialikaj Ajčynnaj vajny Ivan Arciomienka, pišuć «Iźviestija». U lutym 2021 hoda pa spravie ab paklopie na vieterana asudzili rasijskaha palityka Alaksieja Navalnaha.
Ivan Arciomienka
Arciomienku było 95 hadoŭ, jon pamior u svajoj maskoŭskaj kvatery.
Čamu sudzili Navalnaha?
Kryminalnuju spravu ab paklopie zaviali praz kamientary Navalnaha da videa, na jakim Arciomienka vystupiŭ u padtrymku źmienaŭ u rasijskuju kanstytucyju. Navalny nazvaŭ ludziej na videa «chałujami» i «ludźmi biez sumleńnia». Paviedamlałasia, što Arciomienku stała kiepska praz hetyja kamientary. Navalny źviazvaŭ zaviadzieńnie spravy z palityčnaj dziejnaściu.
Sud aštrafavaŭ Navalnaha na bolš čym 11 tysiač dalaraŭ, chacia bok abvinavačvańnia patrabavaŭ 12,5 tysiačy dalaraŭ.
Paśla hetaha pracesu ŭ Rasii nabyŭ moc zakon, jaki ŭzmacniŭ pakarańnie za abrazu vieteranaŭ. Za padobnaje parušeńnia možna pazbavicca voli na piać hadoŭ ci zapłacić štraf ad 52 da 87 tysiač dalaraŭ.
Chto taki Arciomienka?
Ivan Arciomienka pachodzić z Mahiloŭščyny. Pavodle ŭspaminaŭ svajakoŭ, z 1942 hoda Arciomienka pačaŭ partyzanić, a z 1944-ha vajavaŭ u składzie savieckaha vojska.
