Šolc zapeŭniŭ, što niamieckaja zbroja prybudzie va Ukrainu svoječasova
Fiederalny kancler Hiermanii Ołaf Šolc zapeŭniŭ, što niamieckaja zbroja, jakuju Bierlin paabiacaŭ dać Ukrainie dla supraćdziejańnia rasijskim vojskam, prybudzie svoječasova. Pra heta Šolc zajaviŭ u intervju DPA, piša «Ukrainskaja praŭda».
Na pytańnie, ci zmoža Ukraina atrymać niamieckuju zbroju svoječasova, kab pierałamać chod bajavych dziejańniaŭ na Danbasie, Šolc skazaŭ: «Jana prybudzie svoječasova».
Niamiecki kancler dadaŭ, što niekatoryja krainy ŭžo dva ci try hady čakajuć atrymańnia zbroi z Hiermanii, a dla bolš chutkaj pastaŭki jaho Ukrainie zaraz unosiacca źmieny ŭ adpaviednyja pratakoły.
«Kankretnyja rečy, jakija my možam dać zaraz, buduć dadzienyja paśla padrychtoŭki… biez padrychtoŭki hetuju zbroju vykarystoŭvać nielha.
My damo supraćrakietnyja sistemy, zdolnyja abaranić Adesu i Kijeŭ. Taksama z Brytanijaj i ZŠA my vyrašyli, što damo reaktyŭnyja sistemy załpavaha ahniu», — adznačyŭ Šolc.
Raniej Hiermanija zajaŭlała pra płany pastaŭki ZSU Gepard, haŭbic Panzerhaubitze 2000, zienitnaj sistemy Iris-T i reaktyŭnaj sistemy załpavaha ahniu Mars. Ale va ŭradzie adznačyli, što pa arhanizacyjnych pryčynach i prablemach biaśpieki kazać pra hrafiki pastaŭki zbroi Ukrainie składana.
Raniej taksama paviedamlałasia, što, niahledziačy na zajavy Šolca ab pavieličeńni vajennaj dapamohi Ukrainy, jana pakul nie atrymała nivodnaj adzinki niamieckaha ciažkoha ŭzbrajeńnia.
