Cichanoŭskaja pryvitała rašeńnie Jeŭrakamisii pa Ukrainie i Małdovie
Śviatłana Cichanoŭskaja pryvitała rašeńnie Jeŭrakamisii rekamiendavać pryznać dla Ukrainy status dziaržavy-kandydata ŭ Jeŭrasajuz. Pra heta jana skazała padčas pieramovaŭ z kiraŭnikom MZS Partuhalii. Taksama Cichanoŭskaja vykazała žal, što biełarusy na dadzieny momant nie majuć mahčymaści svabodnaha volevyjaŭleńnia adnosna pierśpiektyvy ŭvachodžańnia Biełarusi ŭ ES.
«Ja vitaju rašeńnie Jeŭrakamisii rekamiendavać nadać status kandydataŭ Ukrainie i Małdovie. Jany hetaha sapraŭdy zasłuhoŭvajuć. Ciapier Ukraina abaraniaje nie tolki svaje miežy, ale i jeŭrapiejskija kaštoŭnaści.
My taksama prosim Radu Jeŭrapiejskaha sajuza zhadvać Biełaruś u svaich kančatkovych vysnovach, što paśla demakratyčnych pieramienaŭ Biełaruś taksama moža raźličvać na jeŭrapiejskuju pierśpiektyvu», — padkreśliła lidarka biełaruskaha demakratyčnaha ruchu.
