Ukrainski ekśpiert pra mahčymaść napadu z boku Biełarusi: Šancy nie nulavyja
Napad z boku Biełarusi naš Hienštab adpracoŭvaje jašče z 24 lutaha. Nie tolki ŭ Čarnihaŭskuju i Kijeŭskuju vobłaści, dzie rasijskaje ŭvarvańnie było pramoje, a i ŭ inšyja try vobłaści, jakija miažujuć ź Biełaruśsiu. Pra heta ŭ teleefiry raspavioŭ vajskovy ekspert z Čarnihava Michaił Žyrochaŭ.
Fota Minabarony
Pavodle jaho słoŭ, tam pastajanna znachodziacca bajavyja bryhady, jakija hatovyja da adbićcia ataki z boku Biełarusi.
«Na siońnia heta nie nulavy šaniec. Biełarusy ciapier pravodziać vielizarnyja vajennyja vučeńni. Vialikija pa mierkach Biełarusi. Ale rasijskich vojskaŭ na terytoryi Biełarusi ciapier vidavočna nie dastatkova dla taho, kab padtrymać budučy nastup, kali jon płanujecca. Tamu niama nijakich markieraŭ, z vajennaha punktu hledžańnia, što ŭ najbližejšyja tydni situacyja moža źmianicca, i biełaruskija vojski mohuć pajści ŭ takuju samahubnuju ataku na Ukrainu», — miarkuje Žyrochaŭ.
Taksama na dumku ekśpierta, u biełarusaŭ niama pakul jasnych metaŭ. «U biełarusaŭ ułasnych metaŭ niama. Usio, što ciapier jość, — heta padtrymka Rasii, jakaja ŭžo maje vializnyja prablemy z asabistym składam i technikaj. Jana choča pryciahnuć biełaruskija ŭzbrojenyja siły — dla hetaha Pucin vykarystoŭvaje pierš za ŭsio ekanamičny šantaž.
