Jeŭrakamisija rekamiendavała nadać Ukrainie status kandydata ŭ členy ES
Jeŭrakamisija rekamienduje pradastavić Ukrainie status kandydata na ŭstupleńnie ŭ ES. Taksama prapanujecca nadać taki status i Małdovie.
Fota: AP
«Pasiadžeńnie kalehii kamisaraŭ zavieršanaje. Paćvierdžanaje rašeńnie, pryniataje ŭčora ŭviečary. Status kandydata dla Ukrainy i Małdovy. Hruzija pavinna vykanać umovy dla atrymańnia statusu», — napisaŭ žurnalist «Radyjo Svaboda» Rykard Joźviak.
Paźniej kiraŭnik Jeŭrakamisii Ursuła fon der Lajen paćvierdziła, što JEK rekamienduje pradastaŭleńnie Ukrainie statusu krainy-kandydata ŭ ES.
Rašeńnie ab nadańni abo admovie ŭ statusie kandydata buduć prymać lidary ES na samicie ŭ Brusieli 23-24 červienia.
Uładzimir Zialenski nastupnym čynam adreahavaŭ na rašeńnie Jeŭrakamisii.
«Heta pieršy krok da siabroŭstva ŭ ES, jaki, biezumoŭna, nablizić našu pieramohu. Dziakuj za histaryčnaje rašeńnie».
