Welt: Makron, Šolc i Drahi prasili Zialenskaha adnavić pieramovy z Rasijaj
Padčas vizitu va Ukrainu kancler FRH Ołaf Šolc, prezident Francyi Emanuel Makron i premjer-ministr Italii Maryjo Drahi «za začynienymi dźviaryma» vystavili kalehu Uładzimiru Zialenskamu tajemnyja patrabavańni. Pra heta piša niamieckaja hazieta Die Welt.
Jak paviedamlałasia, Šolc, Makron i Drahi vystupili za nadańnie Ukrainie statusu kandydata ŭ siabry Jeŭrasajuza. Vydańnie miarkuje, što ŭ abmien na padtrymku lidary Jeŭropy tajemna zaklikali Zialenskaha adnavić dyjałoh z Rasijaj i arhanizavać pieramovy ź jaje prezidentam Uładzimiram Pucinym.
Ekanamičnyja nastupstvy kryzisu va Ukrainie, ź jakimi sutyknulisia try jeŭrapiejskija krainy, stanoviacca tolki macniejšymi, tamu ich składaniej nivielavać. «Ekanamičny rost zatarmaziŭsia, inflacyja dasiahnuła rekordnaha ŭzroŭniu», — padkreślivaje Die Welt.
Raniej daradca kiraŭnika ŭkrainskaha MUS Viktar Andrusieŭ nazyvaŭ metu vizitu lidaraŭ jeŭrapiejskich krain va Ukrainu. Pa jaho słovach, «Makron, Šolc i Drahi viazuć kandydactva ŭ ES i (…) prośbu viarnucca ŭ pieramoŭny praces z Pucinym».
U svaju čarhu, učora Makron zajaviŭ, što Ukraina sama pavinna vystaŭlać umovy dla pieramovaŭ.
