«Znaj, čto ty niepobiedim». Dzieci palitźniavolenaha Siarhieja Jaraševiča pavinšavali jaho z Dniom naradžeńnia
Videa dziciačaha vinšavańnia publikuje telehram-kanał Belarus Women’s Foundation.
U traŭni 2021 Antaninu Kanavałavu razam ź jaje palitźniavolenym mužam Siarhiejem Jaraševičam asudzili da 5,5 hodoŭ kałonii pa spravie «Armii z narodam». U Antaniny i Siarhieja na voli zastalisia dvoje maleńkich dziaciej: Vania i Naścia. Za kratami ich baćki znachodziacca amal 20 miesiacaŭ.
Siońnia, 16 červienia, Siarhiej adznačaje 40-hodździe. Jahonaja žonka Antanina budzie adznačać Dzień naradžeńnia 19 červienia. Joj spoŭnicca 34 hady.
Kožny moža pavinšavać Siarhieja i Antaninu listami salidarnaści i paštoŭkami. Taksama nie zabyvajcie kłaści pustyja kanvierty, nalepki, marki i papieru.
Pavinšavać Antaninu: PK №4, 246035, Homiel, Antoškina, 3, Antanina Siarhiejeŭna Kanavałava
Pavinšavać Siarhieja: PK №11, 231900, Vaŭkavysk, Rakasoŭskaha, 118, Siarhiej Michajłavič Jaraševič
