20-hadovuju «terarystku» Danutu Pieradnia pačnuć sudzić 24 červienia
Pravaabaroncam stała viadoma, što ŭ piatnicu, 24 červienia, u Kiraŭsku pačniecca sudovy praces pa spravie byłoj studentki Mahiloŭskaha dziaržaŭnaha ŭniviersiteta imia Kulašova Danuty Pieradnia. Joj inkryminujuć dva artykuły Kryminalnaha kodeksa — č. 3 art. 361 (zakliki da mieraŭ abmiežavalnaha charaktaru (sankcyj), inšym dziejańniam, nakiravanym na pryčynieńnie škody nacyjanalnaj biaśpiecy Biełarusi) i č. 1 art. 368 (abraza Łukašenki), piša «Viasna».
Pavodle infarmacyi MAYDAY TEAM, u vinu dziaŭčynie pastavili toje, što jana pierapościła ŭ adzin z čataŭ tekst, u jakim u rezkaj formie krytykavalisia dziejańni Pucina i Łukašenki pa raźviazvańni vajny va Ukrainie. Taksama tam źmiaščaŭsia zaklik da vuličnych vystupleńniaŭ i kanstatavałasia adsutnaść pierśpiektyŭ u biełaruskaj armii ŭ vypadku jaje ŭstupleńnia ŭ vajnu.
Danuta była studentkaj-vydatnicaj, adnak adrazu paśla zaviadzieńnia spravy jaje adličyli.
10 červienia KDB abnaviŭ śpis «asob, jakija majuć dačynieńnie da terarystyčnaj dziejnaści». Tudy dadali 9 čałaviek, siarod jakich była i Danuta.