U Minsku adkryłasia «pravilnaja» kniharnia. Z partretam Łukašenki
Vydaviectva «Charviest» supolna z praŭładnym Sajuzam piśmieńnikaŭ Biełarusi adkryła ŭ centry Minska (Kisialova, 4) kniharniu «Knižny kłub piśmieńnikaŭ».
Paviedamlajecca, što tut buduć nie tolki pradavacca knihi, ale i pravodzicca prezientacyi.
U adkryćci kniharni ŭziali ŭdzieł, u tym liku, hanarovy staršynia Sajuza piśmieńnikaŭ Biełarusi Mikałaj Čarhiniec, namieśnik ministra infarmacyi Ihar Buzoŭski, sacyjołah Siarhiej Musijenka, a taksama prapahandysty Andrej Mukavozčyk, Jaŭhien Pustavy dy inšyja.
Roŭna miesiac tamu, 16 maja, u Minsku taksama ŭ rajonie płoščy Pieramohi adkryłasia biełaruskaja kniharnia «Knihaŭka». U toj ža dzień tudy pryjšli dziaržaŭnyja prapahandysty, potym adbyŭsia pieratrus, a kniharnia začyniłasia. Vydaviec Andrej Januškievič adsiadzieŭ 28 sutak, a inšaja supracoŭnica kramy, Nasta Karnackaja praviała za kratami 23 dni.
Andrej Mukavozčyk
