Handlovyja sietki padoŭžyli sacyjalnuju źnižku da kanca 2022 hoda
Handlovyja sietki padaŭžajuć dziejańnie dziesiacipracentnaj sacyjalnaj źnižki dla ŭraźlivych katehoryj nasielnictva da kanca 2022 hoda. Adpaviednaje dadatkovaje pahadnieńnie pamiž MARH i pradstaŭnikami bujnych handlovych sietak było padpisana ŭ sieradu 15 červienia, pieradaje BiełTA.
Fota ilustracyjnaje
Pa słovach ministra antymanapolnaha rehulavańnia i handlu Alaksieja Bahdanava, sa studzienia 2022 hoda handlovymi sietkami było vypuščana bolš za 1,3 miljona źnižkavych kartaŭ, źnižki dadzienyja na 10 miljonaŭ biełaruskich rubloŭ. Da pahadnieńnia dałučylisia 17 handlovych sietak.
Sacyjalnaja źnižka dziejničaje ŭ biełaruskich kramach z 17 studzienia. Jana dajecca piensijanieram, invalidam, šmatdzietnym siemjam i małazabiaśpiečanym słajam nasielnictva. U liku tavaraŭ, na jakija jana raspaŭsiudžvajecca, — chleb, muka, aŭsianyja šmatki, piarłovyja krupy, suchija makaronnyja vyraby, jałavičyna, śvinina, kurynaje miasa, małako, kiefir, śmiatana, tvaroh, jajki, jabłyki, harodnina i inšyja tavary.
